View Feed
group-icon
Coffee Room
Discuss anything here - everything that you wish to discuss with fellow engineers.
12915 Members
Join this group to post and comment.
ndhpndy
ndhpndy • Nov 2, 2007

Aaj Maa Bahut Yaad Aayi

Aaj Maa Bahut Yaad Aayi
Aankhe khuli, sannata chhaya tha,
Pankha jor se chal raha tha, dar bhi bada lag raha tha,
Ghadi subah ke sade char baja rahi thi,
Abhi-Abhi bura sapna dekh aankhe khuli thi,
Dil usi godd ko dhund raha tha,
Man usi pyar ke liye bechain tha,
Par umeed puri na ho payee,
Aaj maa bahut yaad aaye.​

Ek hafte se gas khatam ho chuki hai,
Thali, katori, chamach sab katar mein hai,
kahan milti hai subah-subah adrak ki wo chai,
aur kahan milti subah ki wo fatkar hai,
nahane ka pani bharte-bharte, ungli jal jab mai chillai,
Aaj maa bahut yaad aaye.

Daftar pahunchi, mahol garam tha,
Kam ka tension aur boss cahram par tha,
Kisi ko kisi se baat karne ki fursat na thi,
Sar me hai dard aakhir kis-se kehti thi,
Kaam nahi, mujhe chahiye wahi sarso ke tel ki Sikayi,
Aaj maa bahut yaad aaye.

Parathon aur nan se uub chui hun mai,
Tarsata hai man unhi fulkon ke liye,
Aaj paneer me bhi swad nahi aata,
la do mujhe wahi boondi ka rayta,
jab pachhis rupyon se bhi pet nahi bhara,
soch ke aankhe bhar aayi,
Aaj maa bahut yaad aaye.

Kal hai janamdin mera,
ghar se dur bahut dur hoon mai,
Yaar, dost, pyaar sab kuch hai,
par phir bhi kuch bhi nahi hai,
Aaj bhid me bhi khud ko akela payee,
Aaj maa bahut yaad aaye.

Kab milogi maa mujhko,
kab dogi wo pyaar, kab milegi wo fatkar,
aur milegi kab wo chai, wo phulke, wo rayata, wo maalish,
aur milega kab wo aanchal ke thande chhaw ki barish,
aaj phir in sawaalo ka jawab nahi payee,
Aaj maa bahut yaad aaye. ​
arti mishra
arti mishra • Jul 29, 2008
very nice poem

Share this content on your social channels -